- . شروط قراءة قصص رعب :
. يجب الاستماع الي هذه الموسيقي اثناء قراءة قصتنا اليوم في موقعنا قصص رعب منتصف الليل وهي تصنف لدى قصص رعب نفسي تدعى ٣ || 3 للاستمتاع بأحداث القصة ولأنها جزء منها
استمتع...
تبدء أحداث القصة ب روجين وإيڨا بنتين اخوات عايشين سوا ابوهم وامهم ميتين بقالهم فترة كبيرة جدا روجين شغالة ممرضة في مستشفى وإيڨا شغالة معاها في المستشفي بس شغالة عاملة نظافة لأنها مكملتش تعليمها زي روجين لأنها هي الي ربت روجين ومكنش عندها وقت تتعلم روجين كانت بتحب زميلها إيليوت ممرض معاها في المستشفي بردو ومتفقيين ان جوازهم كمان شهر. إيليوت مكنش عنده شقة يتجوزوا فيها هو عايش مع ابوه بس للاسف ابوه مدمن كحول
وكان رافض انه يتجوز ويقعد معاه في نفس الشقة روجين اتفقت مع إيليوت انهم هيقعدوا مع إيڨا لحد ما يجمعوا فلوس الشقة إيليوت وافق وإيڨا فرحت جدا انهم هيقعدوا معاها لانها متعلقة باختها روجين جدا. في يوم شغل عادي جيه طلب للمستشفي ان فيه دار مسنين محتاجين طاقم طبي ضروري لان حالتهم متدهورة جدا والطاقم الي بيروحلهم مش متواجد حاليا للاسف. وكمان مرتب الرعاية دي هيكون كويس جدا ومدة الرعاية هتبقي شهر لحد ما يتفقوا مع طاقم تاني
إيليوت فرح جدا وحس ان دي فرصة ليهم وان لما يخلصوا هيقدروا يشتروا الشقة الي نفسهم فيها وقال لروجين في الاول روجين موافقتش لانها مكانتش عايزة تسيب اختها إيڨا كل الفترة دي لوحدها بعد نقاش طويل بينهم وافقت وقالت لإيڨا بس إيڨا رفضت لانها مش مطمنة للشغلة دي ومش عايزاهم يبعدوا عنها كل الفترة دي وكان نفسها يقعدوا معاها في نفس الشقة إيڨا وافقت بس بشرط انها هتروح معاهم ومش هتسيب اختها لوحدها راحت روجين وقالت لمدير المستشفي ووافق بس قالها لازم تستأذني من الظابط جورج لانه هو الي هيشرف علي الطاقم وراحت روجين لجورج وقالتله ان اختها هتساعدها وانها هتفيد الدار جدا.
وافق الظابط جورج ومكنش عنده اي مشكلة وكمان امه وابوه هناك في الدار واكيد هيحتاجوا حد يراعيهم مع الممرضين. عدي اليوم روجين وإيڨا جهزوا شنطهم وقابلوا إيليوت وركبوا الاتوبيس مع الطاقم الطبي. الدار كان بعيد شوية عن المدينة ومكانه يعتبر في صحراء وهادي جدا دخلوا الدار. الدار شكله مبهدل جدا وريحته وحشة جدا روجين قرفت من منظره ازاي الناس دي عايشة في المكان ده وابتدوا ينضفوا الدار ويهتموا بالمسنين. والدار اتنظف وبقا منظرة احسن من الاول بكتير. روجين خدت بالها ان الناس في الدار تصرفتها غريبة شوية وطول الوقت نايمين ولاحظت فيه راجل وست من المسنين بعاد جدا
وقاعدين مع بعض دايما وكانهم في وادي لوحدهم روجين راحتلهم واهتمت بيهم ولقتهم انهم ناس ظريفة جدا اسمهم وكرستين وكاسبر وبيحبوا بعض جدا وابتدوا يحكولها انهم مسابوش بعض طول عمرهم ومش هيسيبوا بعض وان ابنهم جابهم هنا عشان معندوش وقت يراعيهم لان شغله صعب شوية روجين حبتهم جدا واستغربت ان ازاي ابنهم يعمل كدة واعتبرتهم ابوها وامها الي اتحرمت منهم وفضلت روجين تهتم بيهم هما بس من كتر حبها فيهم وعرفتهم علي إيڨا وإيليوت وفضلوا اسبوع علي الحال ده. وفي يوم روجين صحيت لقت نفسها لوحدها في الاوضة وملقتش حد جمبها وابتدت تسمع صوت صريخ برا طلعت تشوف فيه ايه شافت ابشع منطر في حياتها
روجين شايفة دم في كل مكان كان مجزرة حصلت وشافت ناس كتير من زمايلها متقطعين علي الارض وفيه الي مدبوحين ومقتولين بابشع الطرق روجين فضلت تصرخ لحد ما اغمي عليها... فاقت روجين ولقت نفسها متكتفة هي وإيڨا وإيليوت في اوضة مشافوهاش قبل كدة وريحتها كانت وحشة جدا وكان الدم مغطي حيطان الاوضة كرستين وكاسبر واقفين يضحكوا بهيستريا روجين مش فاهمة ايه الي بيحصل وسألت كرستين.. كرستين فضلت تضحك بردو وردت وقالتلها انا صاحبة الدار ده والدار ده مش دار مسنين ولا حاجة الدار ده دار للمجانين وكملت ضحك وفضلت تضحك علي سذاجة روجين وانها صدقتهم بكل سهولة.
طب ليه؟ روجين فضلت تسألها السؤال ده. كرستين وقفت ضحك اخيرا وابتدت تحكي هما ليه بيعملوا كدة..
كرستين معاشتش طفولة مستقرة. اهلها كانوا فقراء جدا وكانوا بيشتغلوا اي حاجة وملهمش شغلانة ثابتة ومكانوش عارفين يتحركوا من عيالهم ال 3.. كرستين وإدوارد و إيزابيلا كرستين كانت 13 سنة ساعتها واخوها ادوارد 9 سنين وايزابيلا 7سنين. اهلهم قرروا انهم هيبيعوهم لاي اسره غنية عشان يتربوا كويس ويعيشوا مبسوطين كرستين كانت فاهمة كلام اهلها كويس واتبسطت انها هتعيش سنها اخيرا مع اسره غنية. في الاول وفي الاخر هي طفلة نفسها تعيش سنها وباعوا ولادهم ال 3 لواحدة ست غنية اسمها سيلفيا.. سيلفيا كانت مضطربة عقليا كانت بتحب التعذيب جدا وكانت بتعذبهم كل يوم واكترهم كانت كرستين.. تقدروا تقولوا انها كانت بتغير من طفلة عندها 13 سنة
سيلفيا كانت بتجيب 3 ولاد من الشارع عشان يغتصبوا كرستين وكانت بتضربها وتحاسبها وهي ملهاش اي ذنب وكتبت سيلفيا علي ضهر كرستين بالدبوس. انا عاهرة وافتخر بذالك. كل يوم كانت بتدمر كرستين. إدوارد وإيزابيلا كانوا اطفال وشافوا في المطبخ حلويات راحوا من ورا سيلفيا عشان ياكلوها لانهم كانوا جاعنين جدا وسليفيا مكنتش بتأكلهم كويس بس سيلفيا شافتهم وهما بياكلوا الحلويات دي
سيلفيا فضلت تضرب فيهم بعنف شديد وحبستهم في القبو عندها في البيت ٤ ايام من غير اكل ولا شرب وماتوا من كتر الجوع.. كرستين مبقتش طفلة كرستين عايزة تموت سيلفيا بأبشع الطرق. كرستين استنت سيلفيا تنام وجابت مياه سخنة ومغلية وراحت ورمت المياه السخنة عليها واول ما سيلفيا صحيت كرستين دبحتها وشربت من دمها كمان وعجبها طعمه جدا وقطعت كرستين سيلفيا وحطت كل جزء في كيس وحطت الاكياس في الزباله قدام البيت.. الجيران شافوا الشنط ودخلوا علي كرستين وحكتلهم علي كل حاجة بس كرستين راحت للمصحة النفسيه وفضلت في المصحة 13 سنة
وهناك قابلت كاسبر.. كاسبر ابوه رماه في المصحة من غير سبب لحد ما كاسبر اتجنن زي المجانين الي هناك.. كرستين وكاسبر خرجوا من المصحة كاسبر اول حاجة عملها لما خرج قتل ابوه ومرات ابوه. واتجوز كاسبر كرستين وخلفوا ولد وقرروا يبنوا الدار ده وأنه هيبقا مخصوص للمجانين الي لسه خارجين من المصحة ولو اتعالجوا هيجننوهم تاني وان دي اكتر حاجة هيلاقوا فيها متعتهم كاسبر وكرستين اذكياء جدا لدرجة ان من هنا ابتدت سلسلة القتل بتاعتهم لمدة 22 سنة والشرطة معرفتش تمسك عليهم اي حاجة لسبب بسيط جدا......
وان من سوء حظ روجين وإيڨا وإيليوت انهم من ضمن الضحايا دي كرستين اعجبت بروجين جدا لانها بتفكرها بنفسها وهي صغيرة كانت ساذجة زيها كدة. روجين تفت علي كرستين وهي بتتكلم كرستين جابت سكينة وقطعت لسان روجين بمنتهي البساطة. هي قطعت لسانها مش عشان تفت عليها لا هي قطعت لسانها عشان قطعتها قبل ما تخلص كلامها.. إيليوت فضل يشتم فيهم وكان عايز يفك نفسه باي طريقة بس مكنش عارف كاسبر فضل يضرب فيه لحد ما إيليوت اغمي عليه.. وإيڨا واقفة عمالة تعيط وخايفة منهم جدا
كرستين وكاسبر جابوا إيڨا وروجين وإيليوت وطلعوهم من الاوضة وجمعوا كل المسنين المجانين الي في الدار وقالوا اكتر حد هيقول ابشع طريقة للقتل وهتعجبهم هسيبوه يقتل إيڨا وكانه كان عرض تلفزيوني بالظبط وكلهم مستيين إيڨا تموت وفضلوا يقولوا طرق للقتل ابشع من بعض بس فيه واحد كرستين عجبتها طريقة من الطرق ووافقت عليها وهي ان
روجين اختها هي الي تقتلها بنفسها.. روجين اول ما سمعت كدة فضلت تصرخ بس كرستين كانت عايزة تجننها اكتر كرستين كانت عايزة روجين تكون زيها وأجبرت روجين ومسكتها السكينة وقالتلها انها لو مقتلتيش إيڨا بنفسك يروجين انا هقتلك انتي.. كرستين فضلت تتضغط علي روجين لحد ما خلت روجين تقتل ايڨا بنفسها من كتر الضغط الي عليها...
روجين اول مره تقتل في حياتها وقتلت اختها الي مربياها.. رجعوا روجين وإيليوت تاني الاوضة وسابوهم 4 ايام من غير اكل وشرب كأن كرستين بتكرر فيهم الي حصل في اخواتها زمان وفتحوا عليهم الاوضة وكرستين قطعت لإيليوت شرايين ايده ورجله. والي ميعرفش الطريقة دي فا كدة إيليوت دمه هيتصفي وهيموت بالبطئ.. وسابت روجين تتفرج. روجين مكنتش منبهرة زي الاول روجين بقت عادي كانها مش عايشة ومات إيليوت بعد 10 دقايق ودمه اتصفي كله.
روجين بقالها كدة 5 ايام من غير اكل واخيرا كرستين حطتلها اكل بس الاكل كان مختلف شوية حطتلها لحم ني وده لحم إيڨا اختها. روجين من كتر الجوع كلت ايوه كلت لحم اختها روجين بقت زي الحيوانات دلوقتي وكرستين نجحت انها تخليها كدة. عدي 4 ايام تاني وروجين بقت عايزة لحم بشر تاني كرستين عودتها علي اللحم الني ده خلتها كانها الكلبة بتاعتها واديتلها لحمة إيليوت المرادي وكلتها بردو زي المدمنة
كاسبر في مره نسي يقفل الباب كويس وهو بيحطلها الاكل. وفي مره وكاسبر وكرستين نايمين روجين عرفت تخرج وتروحلهم الاوضة روجين دبحت الاتنين من غير رحمة وشربت من دمهم من كتر عطشها لانهم مكانوش بيشربوها مياه وعرفت تخرج اخيرا من الدار ده خرجت وهي اتجننت خلاص فضلت تجري وهي بتضحك بصوت عالي في الطريق ولقت عربية شرطة ماشية في الطريق جريت عليها..
بس العربية خبطتها بمنتهي العنف وداست عليها كمان ونزل من العربية ظابط والظابط ده جورج الي سمحلها انها تجيب اختها وهما جايين والظابط ده يبقا ابن كرستين وكاسبر وهو الي كان بيساعدهم وبيجبلهم الضحايا وبسببه الشرطة مكنتش بتمسك عليهم اي حاجة.. روجين صدقت المظاهر وحبتهم من مناظرهم الهادية واتخدعت فيهم.. اوعوا تصدقوا المظاهر عشان المظاهر دايما خداعة...
Writer : Mohamed Ahmed
إرسال تعليق