- شروط قراءة قصة رعب
. يجب الاستماع إلى هذه الموسيقي اثناء قراءة قصة اليوم وهي هالو كيتي | Hello kitty. والتي تعتبر جزء منها وهي رعب وغموض واثارة في موقعنا قصص رعب اخر الليل وهي تصنف لدي فئة قصص رعب غامضة
استمتع.....
تبدء أحداث القصة بماثيو و جينيفر زوجين بيحبوا بعض جدا وعندهم بنت صغيرة اسمها اشلي 6 سنين حياتهم مستقرة نوعا ما بس مش في افضل حال بسبب المشاكل المالية الي مبتخلصش ابدا ومصاريف مدرسة اشلي وده بيبقا اكتر سبب بيخليهم يتخانقوا دايما لأن جينفر عايزة تدخل اشلي مدرسة غالية جدا وعايزاها تتعلم احسن تعليم.. وماثيو شايف ان مفيش حاجة اسمها مدرسة وحشة وان كلهم في الاخر مدارس.. بس ماثيو من جواه كان عارف ان هي عندها حق وكان مقتنع بكلامها بس مش بيبينلها ده لأنه مش بيحب يطلع نفسه غلطان وايوة هو كمان عايز بنته احسن واحدة في الدنيا بس ما باليد حيلة وان المدرسة دي بالذات مصاريفها غالية جدا وهو مجرد شغال محاسب في مصنع والمرتب ميستحملش المدرسة دي ابدا
ماثيو حب يصالح جينيفر واشلي وخرجهم خروجة حلوة واتفقوا انهم مش هيجيبوا سيرة المدرسة اليوم ده عشان ميحصلش اي خناق بينهم النهاردة والخروجة تبوظ.. وقضوا اليوم كله برا وراحوا الملاهي لان اشلي كان نفسها تروحها واتفسحوا وكانوا مبسوطين اخر انبساط.. اشلي شافت عروسة وهما مروحين عجبتها اوي وقالت لماثيو انها عايزاها ماثيو اشترالها العروسة وكانت عروسة لطيفة جدا واسمها كيتي وصغيرة.. اشلي اتبسطت بيها جدا. وبقت بتعاملها كأنها بنت صغيرة زيها بالظبط وبتشاركها كل حاجة في يومها وكانت بتتكلم معاها كمان اشلي مكنش عندها صحاب.. اشلي اكتفت بكيتي.
وابتدت الخناقات تحصل تاني بين ماثيو وجينيفر لان الدراسة قربت تبدء ولازم يشوفوا حل في موضوع المدرسة ده جينيفر مكانش هاممها ان المدرسة غالية ولا حاجة كل همها بنتها وبس وان دي مشكلة ماثيو وانها عرضت عليه انها هتساعده وانها هتشتغل ويحاولوا يجمعوا سوا بس ماثيو كان رافض انها تشتغل... في الحقيقة جينفر كانت عايزة تدخل اشلي المدرسة دي بالذات لان اشلي طفلة من ذي الاحتياجات الخاصة وان فهمها بطئ شوية بالنسبه لباقي الاطفال الي في سنها والمدرسة دي بالذات بتهتم جدا بالاطفال ذي الاحتياجات الخاصة ومعملوهم فصل مخصوص. عكس اي مدرسة مش بتهتم بالموضوع ده وان معظم الاطفال الي في سنها مش بيرضوا يتكلموا معاها وده بيخلق عند البنت حالة نفسية
انما المدرسة دي هتهتم بيها اكتر. ماثيو مكانش مقتنع بكلامها ده ووجهة نظره ان لازم البنت تواجه ومتهربش واننا نجرب السنادي حتي ولو البنت معرفتش تتأقلم هيحاول يدخلها السنة الجاية المدرسة دي.... بس جينيفر كانت بترفض. في الحقيقة ماثيو كان بيكدب عليها ومكنش هيدخلها السنة الجاية لان عمره ماهيقدر علي المصاريف ابدا وفي الحالتين جينيفر رفضت لانها فاهمة ماثيو كويس وعارفة انه بيكدب.ومش عايزة بنتها تحس انها منبوذة من باقي زمايلها.. ماثيو مجرد محاسب محدود الطموح والخناقات الي مابينهم مبتخلصش كالعادة.....
يوم الثلاثاء الساعة ١١ الصبح جيه لماثيو مكالمة من صاحبه إدوارد... إدوارد كان صاحب ماثيو وجينيفر جدا ايام الجامعة وعزموا علي عيد ميلاده يوم الخميس وانه لازم يحضر هو وجينيفر لان صحابهم كلهم هيبقوا متجمعين ودي فرصة انهم يرجعوا يتلموا سوا تاني.. ماثيو وافق وعرف جينيفر واتفقوا انهم ميبينوش اي مشاكل مابينهم قدام اي حد ماثيو كان شخص كتوم جداا ومش بيحب حد يعرف عنه اي حاجة.. ماثيو وجينيفر ودوا اشلي عند والدة جينيفر وراحوا العيد ميلاد في فيلا إدوارد بس اول ماوصلوا لاحظوا ان كل الموجودين لابسين اسود.. كله بلا استثناء لابس اسود
حتي إدوارد لابس لبس اسود. والمكان كان حر جدااا إدوارد جيه لماثيو وخدوا علي اوضة المكتب بتاعته.................
ماثيو: هو انتوا ليه لابسين اسود كدة!! والمكان حر ليه جدا
كدة انت معندكش تكيف ولا مروحة حتي!!......................... إدوارد : ماثيو انا محتاجك معايا ضروري .... ماثيو: محتاجني في ايه؟...
إدوارد : متسألش محتاجك في ايه انت تقول موافق وبس
ماثيو: يعني ايه موافق وبس انا لازم اعرف انت محتاجني في ايه
إدوارد : محتاجك في حاجة هتحل ازمتك
ماثيو بسخرية : ازمتي! ومين قالك اني عندي ازمة بقا
إدوارد : شوف يا ماثيو انا اعرف عنك كل حاجة تتخيلها انا اعرف عنك حاجات انت بنفسك متعرفهاش
ماثيو بسخرية : وتعرف عني ايه ياتري بقا؟!
إدوارد بكل ثقة: مصاريف مدرسة بنتك الي انت مش عارف تدخلهالها
ماثيو اتهز من جواه شوية لان محدش يعرف الموضوع ده غيره هو وجينيفر حتي هو مكانش بيقابل إدوارد من ٨ سنين عشان يعرف حاجة زي دي
ماثيو حاول ميبينش التوتر. : لا محصلش انا معايا ادخل بنتي احسن مدرسة. انت اكيد جينيفر كلمتك وقالتلك الكلام ده
إدوارد بكل هدوء : طب تحب اقولك علي حاجة جينيفر متعرفهاش! وانت بس الي تعرفها..... مش انت كنت ناوي تشتغل في المخدرات وتحاول تبيع منها اي حاجة عشان تقدر علي مصاريف المدرسة بس وكنت هتقول لجينيفر انك استلفت من واحد صاحبك
ماثيو اتهز اكتر من الاول. ماثيو خاف فعلا لدرجة انه مكانش قادر يبص في عين إدوارد.. عكس إدوارد الي عينه منزلتش من عين ماثيو. ماثيو من غير مبالغة خاف من إدوارد وابتدي يعرق من كتر التوتر.
ماثيو: يعني انت جايبني هنا عشان تبهرني بيك مثلا. عايز ايه مني وازاي عرفت عني كل ده!
إدوارد : تعرف يا ماثيو انا اقدر احللك كل مشاكلك وفي ثانيه واحدة كمان
ماثيو بيضحك بسخرية : شكرا ليك انا معنديش مشاكل اصلا
إدوارد : هخليك تدخل بنتك احسن مدرسة وتعيش مبسوط طول عمرك. بس كل حاجة وليها مقابل طبعا بس المقابل هيبقي تقيل عليك في الاول شوية بس بعد كدة هتحبه جدا.. بس صدقني يا ماثيو انت هتعيش حياتك كلها حر ومش هيبقا فيه اكتر من الفلوس معاك....
ماثيو: انا مش عايز حاجة ولا عايز فلوس بس حابب اعرف ايه المقابل
إدوارد بابتسامة: يبقي طمعت يا ماثيو.. وعلفكرة الطمع مش وحش زي ما كله فاكر.. كلنا في الحياه دي يا ماثيو طمعانين في احسن عيشة وطمعانين في الفلوس الي هتخلينا نعيش احسن عيشة فين الوحش في كدة! تقدر تقولي ليه الطمع وحش زي مابيقولوا؟!
ماثيو : ايه المقابل يا إدوارد!!!!
إدوارد تعالي معايا وانت هتعرف. بس صحيح هي فين جينيفر مراتك يا ماثيو؟؟
ماثيو اول ما سمع كدة جري علي برا يدور علي جينيفر.. بس شاف حاجات غريبة جدا. الناس دي مش صحابه. مين دول! ومناظرهم كانت مرعبة بالنسبه لماثيو من كتر غرابتها... الناس دي حاطين كحل غزير في عيونهم دول قالعين هدومهم وببرقصوا بهيستريا شديدة وصوت الاغاني كان عالي جدااا لدرجة ان ماثيو كان حاسس انه هيغمي عليه من شدة الصوت ماثيو عمال يجري يدور علي جينيفر وسط الناس كأنه تايه
مش لاقيها ماثيو رجع لإدوارد وهو متعصب... ماثيو مسك إدوارد من رقبته.... فين مراتي وايه الي بيحصل بره ده!!!
إدوارد بكل بساطة ومكانش في اي ريأكشن في وشه ولا كأنه ممسوك من رقبته وبيتخنق وبسهولة شال ايد ماثيو...
إدوارد: هتيجي معايا تعرف ايه المقابل ومراتك هترجعلك
ماثيو : مش جاي معاك في اي حتة اين جينيفر انت عايز مني ايه والناس الي برا دول قالعين كدة ليه وايه الي بيحصل ده
إدوارد : دي حاجة عادية جدا دول بيقربوله بس
ماثيو : بيقربوا لمين؟
إدوارد : إبليس.. ربي وربهم
ماثيو: إبليس! انت شكلك مش طبيعي وانا مش فارقلي حاجة غير مراتي ومش موافق علي طلبك ايآ كان هو ايه
إدوارد بعصبية : قولتلك مراتك مش هترجعلك الا لما تسمع الي هقولك عليه وبعدين متفتكرش اني متمسك بيك اوي زي مانت فاكر انا بنفذ الاوامر بس هو الي طالبك بالاسم
ماثيو بعصبية : هو ميين!!!
إدوارد : إبليس ربي
ماثيو : انت عايز مني ايه!
إدوارد بكل هدوء : مطلوب مني اني اجيبك هنا وانك لازم تحضر معانا طقوسنا
ماثيو : طقوسكوا! انا مش فاهم حاجة
إدوارد: شوف يا ماثيو احنا بنعبد حاجة واحدة بس إبليس هو ربنا
ماثيو : بسخرية طيب بذمتك انت مقتنع باللي بتقوله
إدوارد بغضب : اه مقتنع وانت كمان هتقتنع ومش بمزاجك ويلا بينا عشان هنبتدي ومتقلقش هنبدأ بحاجة بسيطة جدا عشان انت جديد بس وهتاخد فلوس كمان.. بذمتك فيه كدة في الدنيا؟ تاخد فلوي كتيرة انت متعبتش فيها كل ما تحضر طقوسنا.
ماثيو : انا مش فارقلي الفلوس ويلا عشان عايز. امشي من هنا ......
دخل ماثيو مع إدوارد الأوضة الي هيتعمل فيها الطقوس ودخل وراهم كل الي حاضرين.. والطقس الي هيعملوه هو القداس الاسود.. دخلوا اوضة ضلمة مرسوم علي كل حيطانها رموز شيطانية والارض كلها متغطية باللون الاسود.. الاوضة كلها كانت باللون الاسود والارض مرمي عليها عظام بشرية وخمور مدلوقة في كل مكان علي الارض ومرسوم في نص الارض نجمة خماسية ودي بتعبر عن الشيطان وديك اسود وصليب مقلوب وخنجر اسود ..... الاوضة كانت ريحتها بشعة جدا وحر اكتر كانها جهنم بالظبط ماثيو اول مادخل قلبه اتقبض جدا وكان مش خايف لا ده كان مرعوب بس كان بيحاول يبين نفسه عادي رغم انه واقف وسط ناس عريانين ومناظر وشهم مرعبة.. إدوارد كان هو الكاهن الي هيعمل الطقوس...
مسك إدوارد الصليب المقلوب ووقف جوا النجمة وابتدي يقول جمل شيطانية مش مفهومة لماثيو بس من الواضح ان كل الي واقفين فاهمين وبيرددوا وراه بصوت عالي جدا مع بعض ماثيو حاسس بضيق تنفس شديد ودوخة وكل ما يقولوا الجمل الجو كان بيحرر في الاوضة جدا ماثيو كان حاسس ان الارض بتتهز كان فيه زلزال بالظبط اول ما ماثيو حس بالزلزال ده كل الي موجودين بما فيهم ادوارد صوتهم علي اكتر.... مسك إدوارد الديك الاسود ودبحه في نص النجمة وابتدي يوزع الدم علي كل الي موجودين عشان يشربوا بما فيهم ماثيو... ماثيو لسه هيقول لا ويرفض بس إدوارد سبقه وشربه الدم بالعافية..... ماثيو مقدرش يستحمل كل الي بيحصل ده والأجواء دي واغمي عليه..
ماثيو فتح عينه لقي إدوارد بيفوقه وبيضحك...
إدوارد بسخرية: من اولها كدة مش قادر تستحمل..
ماثيو بغضب : هو فيه بني ادم طبيعي يعرف يستحمل الي حصل ده انا حاسس اني كنت في جهنم ده انت خلتني اشرب دم وخلي بالك انا عملت كل ده عشان مراتي بس.. فين مراتي!
إدوارد : مراتك؟ مراتك في البيت يا ماثيو من بدري بتسأال عليها ليه هي كانت مخطوفة ولا ايه؟
ماثيو : يعني انت ضحكت عليا عشان احضر معاك القرف بتاعكوا ده
إدوارد اتعصب جدا وزعق : اياك اسمعك تقول كدة تاني لما تيجي تتكلم عن طقوسنا اياك تفكر تستهزق. بدل ما تشوف غضب ابليس وتشوف غضبي انا كمان فاهم!
ماثيو خاف من طريقة كلامه : انا عايز امشي من هنا
إدوارد : امشي محدش ماسكك بس قبل ماتمشي ايه رائيك تشوف الفلوس الي هتاخدها؟
ماثيو : سكت متكلمش
إدوارد بيضحك : مش احنا بنعمل قرف؟ عايز مننا فلوس ليه بقا؟
ماثيو : انت قولتلي اني هاخد فلوس في الاخر عشان اوافق اجي معاكوا ووعدتني من شوية
إدوارد : اولا يا ماثيو انت كدة كدة كنت هتوافق غصب عنك مش بمزاجك عشان دي أوامر إبليس نفسه... بذمتك مش مبسوط ان إبليس نفسه طالبك بالاسم. ثانيا بقا يا ماثيو احنا نقدر ننقض عهودنا عادي يا ماثيو بس دي اوامر اني اديك فلوس... وفلوسك اهي..
إدوارد جاب لماثيو الفلوس وكانت كتيرة جدا ماثيو من كتر منظر الفلوس نسي الي حصل..
إدوارد : تقدر تمشي دلوقتي .. بس استني مني مكالمة في اي وقت يا ماثيو عشان تيجي تاني وهتاخد فلوس اكتر من دي كمان
ماثيو مشي طول الطريق حاسس انه دايخ وبيفتكر كل الي حصل بس كل ما بيشوق الفلوس بينسي كل حاجة... اخيرا يقدر يدفع للمدرسة ويعيشوا احسن عيشة ولو هروح احضر معاهم وهاخد الفلوس دي كلها عادي طالما مبشتركش في حاجة انا مجرد حاضر بتفرج بس.....
وصل ماثيو البيت. جينيفر قاعدة مستنياه...
جينيفر: انت روحت فين يا ماثيو وسبتني قالولي انك روحت البيت عشان تعبان وبعدين ايه ده منظرك عامل كدة ليه؟
ماثيو : ماله منظري!
جينيفر : شوف في المراية
ماثيو جري علي المراية وشاف منظره... وشه غاامق جدا راسه من فوق عليها كدمات و قميصة مبهدل وعليه نقط دم وشعره من قدام لونه بقا ابيض بسيط رغم انه عنده ٣٣ سنة اول ما بص في المراية مناخيره نزلت دم بسيط... دخل خد دش ومتكلمش اي كلمة ماثيو مرهق جداا ماثيو نام نوم عمييق نام 13 ساعة وهو نايم حلم بحلم غريب جدا
ماثيو حلم انه شاف بنته ماسكة عروستها كيتي وواقفة قدام المدرسة وفيه واحد بيكلمها.. ماثيو نده علي بنته... اول ما نده علي بنته.... بنته بصتله والشخص الي معاها بصله بردو الشخص ده كان ماثيو... بس كان غريب شوية... كان وشه غاامق جدا وعنده قرون في راسه كبيرة جدا ماثيو اول نا شاف المنظر صحي مخضوض... اول ما صحي دخل يشوف اشلي بنته في اوضتها... لقاها بتلعب مع كيتي دخل عليها حضنها شوية واطمن عليها وخرج...........
ماثيو عرف جينيفر انه فيه واحد صاحبه جابله شغل في شركة تانيه كويسة جدا وبمرتب يقدر يدخل بيه اشلي المدرسة.. جينيفر فرحت جداا.... وعدي يومين إدوارد اتصل بماثيو...
إدوارد : حضر نفسك تجيلي النهاردة الساعة 11 بليل وياريت لبسك كلن يكون اسود
ماثيو لبس وجهز حينيفر شافته...
جينيفر : رايح فين يا ماثيو دلوقتي؟
ماثيو اتهز من جواه عشان هيكدب : رايح اقابل واحد صاحبي مشوفتوش بقالي كتير
جينيفر :رايح تقابله الساعة 11 بليل!
ماثيو اتعصب جدا وزعق عشان يداري علي الحوار...
ماثيو: دي حاجة متخصكيش ومصاريف المدرسة هتيجي ياريت تسيبيني بقا
نزل ماثيو راح الفيلا بس ملقاش إدوارد... سأل واحد من الي واقفين.. هو إدوارد فين!
إدوارد في الترب جمبينا هنا
ماثيو باستغراب : ترب! بيعمل ايه في الترب دلوقتي
__: اصل فيه واحدة صاحبتنا ماتت من 3 ايام فا إدوارد راح هو وناس معاه يعاشروها
ماثيو بصدمة :اييه!!!! بيعاشروا اموات كمان؟
__: اه عادي فيها ايه؟
ماثيو :دي حاجة غلط وبعدين ازاي اصلا قدروا يعملوا كدة
__: غلط؟ احنا هنا مبنعملش اي حاجة صح
إدوارد وصل وهما بيتكلموا... ماثيو خاف يكلمه في الموضوع ده ماثيو كان عايز يحضر بسلام وياخد فلوسه ويمشي بسلام
إدوارد:جاهز يا ماثيو؟ النهاردة مختلفة شوية واصعب بس هتعجبك
المرادي هيعملوا القداس الاحمر ودي أصعب شوية من القداس الاسود بس المرادي كان فيه ناس لابسة احمر ودول الرواد.... يعني أقدم ناس ودول مسموحلهم بحاجات محدش غيرهم يقدر يعملها
دخلوا نفس الأوضة السودة والعظام البشرية والخمور مرمية علي الارض والنجمة مرسومة والخنجر الاسود بس المرادي جايبين طفل ٥ سنين وموقفينه في النجمة ماثيو واقف مش فاهم اي حاجة ابتدا إدوارد يعمل نفس الطقوس ويقرا طلاسم والي موجودين بيقروا وراه واول ما الارض اتهزت مسك إدوارد الطفل ودبحه بس الي هيشرب دمه الرواد بس..
ماثيو اول ما شاف المنظر عيط... مقدرش يمسك دموعه عيط ونزل يجري علي تحت... إدوارد جري وراه ومسكه.....
ماثيو بانهيار : انا هبلغ عنكوا انتوا لازم تتحاكموا انا مش جاي هنا تاني
إدوارد : جرب تروح تبلغ بس انا اقدر اخلي كل الي فوق دول يشهدوا انهم شافوك وانت الي خطفت الطفل ده ودبحته ده غير غضب إبليس عليك انت داخل طريق انت مش قده
ماثيو بيعيط بانهيار.... ذنبه ايه الطفل ده!!!
إدوارد : دي طقوس ولازم نعملها والا غضب ابليس هيحل علينا....دلوقتي انت بقيت واحد مننا وفيه أوامر لازم تنفذها
ماثيو: اوامر ايه؟
إدوارد :تطلق مراتك وتعيشوا سوا وانتوا مش متجوزين وتدخلها هي وبنتك معانا في الطقوس... والا غضب ابليس هيطولك وبنتك هتتاخد كربان ليه
ماثيو خايف وضعيف مفيش في ايده اي حاجة يعملها. حاضر هعمل كل ده بس اديني وقت مقدرش اعمل كل ده دلوقتي
إدوارد :احنا لينا قواعد يا ماثيو وعندنا كتاب اسمه الكتاب المقدس الاسود... احنا نقدر نقتل اي حد احنا عايزينه.. امشي ورا الشيطان.. الشيطان مبيخدعكش في نفسك ابدا ومبيزيفش حقيقتك عينك ودايما أفكاره ملموسة ومحسوسة حتي الحب يا ماثيو اوعا تحب عشان الحب ضعف وتخاذل واحنا مش ضعاف اخنا اقوياء جدا متحبش حد عشان يكملك. انت كامل من غير حد.. خد حقك من اي حد مهما كان مين والي يضربك بايده علي خدك اضربه بايدك علي جسمه كله متحبش جارك.... ممنوع منعا باتا تتجوز او تخلف.. اجعل الاخرين غير قادرين علي الإنجاب.. اشرب دم الاطفال. اقتل الاطفال وهما في بطون امهاتهم. ازني يا ماثيو الزنا مفيد جدا وبيقربك من ابليس .. احنا نقدر نموت بالطريقة الي تعجبنا في الوقت الي يعحبنا وفي المكان الي يعجبنا.. احنا مفيش اي دين بيمشينا يا ماثيو.. بنعمل كل حاجة تيجي في بالنا عشان بس نقرب من إبليس ويرضي عننا.. دي كانت اهم قواعد كتابنا المقدس يا ماثيو ... وجهز نفسك ان الطقوس المره الجاية هتبقي عندك في البيت يا ماثيو عشان تثبت ولائك لينا
ماثيو بكل ضعف حاضر بس ابعد مراتي وبنتي دلوقتي واوعدك اني هخليهم يخشوا معانا بنفسي
إدوارد بضحكة : مش قولتلك يا ماثيو احنا ملناش وعود ونقدر ننقدها عادي بس ماشي هصدقك عشان انت مقدامكش حل غير انك تسمع كلامي كمان يومين هكلمك تجهز البيت....
مشي ماثيو وهو منهار وتعبان ومفيش في ايده اي حاجة يعملها....
ماثيو روح لقي جينيفر مستنياه.... اتأخرت كدة ليه يا ماثيو بره ...ماثيو مردش وطلع نام... ماثيو عايز يهرب من التفكير بالنوم... عدي ٣ ايام.... إدوارد كلم ماثيو جهز نفسك معادنا النهاردة
ماثيو قال لجينيفر انها تروح هي واشلي لوالدتها لان فيه ناس صحابه هيجوا يقعدوا معاه شوية..... راحت جينيفر لوالدتها
وصل إدوارد ومعاه 11 واحد وطفلة صغيرة.. ماثيو اضايق جدا ...
ماثيو: انت جايب طفلة كمان انت عايز تدبح عندي هنا!
إدوارد: مين قالك اني هدبح! انت الي هتدبح يا ماثيو..
ماثيو : اسمع بقا انا كنت موافق علي كل الي فات بس انا مش هدبح طفلة بريئة ملهاش ذنب عشان ارضيكوا...
إدوارد: ماهو انت يا ماثيو لو معملتش كدة هنسيب البنت دي ونجيب بدالها اشلي بنتك وانت عارف كويس اوي اننا نقدر نعمل كدة ... ايه رائيك!
ماثيو خاف علي بنته كدا....
ماثيو: طيب ليه بتقتلوا ايه الدافع بتستفادوا ايه من كدة وليه اطفال؟
إدوارد بنقدمها لإبليس كربان
ماثيو : ليه بردو
إدوارد الكائن الحي ده يا ماثيو مستودع للطاقة والطاقة دي مبتتحررش الا بالدبح والدبح ده لازم يكون في دايرة وعلى النجمة عشان الطاقة تتركز في مكان واحد وعشان نقدر ناخد اكبر طاقة في الضحية سواء ذكر او انثي لازم يكون صغير في السن وجسمه سليم خالي من اي عيوب ولازم الكاهن الي هيدبح يكون واثق انه هيقدر يتحكم في الطاقة الي هتخرج من الضحية بقوة جبارة وقت الدبح ومتفلتش منه والا هيدفع حياته الثمن
ماثيو مفهمش اي حاجة من كلامه.. كلامه كان كبير جدا وعميق جدا.... رسم إدوارد النجمة وابتدي يرسم الرموز ويجهز المكان.... وابتدي يقرأ طلاسم وكل الي موجودين ابتدوا يقرأوا معاه وجيه وقت الدبح.... لازم يا ماثيو تدبح صح والا هتدفع حياتك التمن وحياه بنتك ماثيو مسك السكينة وايده بتترتش وبيعيط.. مش مصدق انه هيدبح طفلة كل الموجودين ابتدوا يعلوا صوتهم يعني يلا ادبح ماثيو ابتدي يدبح وهو منهار وفي اللحظة دي جينيفر واشلي دخلوا عليهم... جينفر صرخت بصوت عالي واغمي عليها واشلي استخبت في حضن كيتي وخبت وشها فيها.... ماثيو كان عايز يجري عليهم بس إدوارد منعه يخرج من النجمة وانه لازم يكمل دبح والا كل الموجودين هيدفعوا حياتهم التمن... ماثيو كمل دبح ومش كدة وبس خلوه ينام في النجمة علي الدم وغرقوا وشه بالدم وقطعوا عظام البنت الصغيرة عشان يستخدموه في الطقوس بعد كدة....
إدوارد انبسط ان جينيفر شافت المنظر لان بعد الي حصل ده طلاقهم هيبقا اسهل.... ومشي إدوارد هو وكل الي موجودين
ماثيو فوق جينيفر وهو منهار جينيفر فاقت وبعدت عن ماثيو. مش مصدقة ان ماثيو يعمل كدة ايه الي خلاك تعمل كدة يا ماثيو! ماثيو حكالها علي كل حاجة وهو بيعيط وانه مفيش في ايده اي حاجة يعملها وانه لو معملش كدة كانوا هيعملوا كدة في اشلي بنتهم..... جينيفر فوقت ماثيو وقالتله انهم لازم يمشوا من هنا خالص ويبلغوا عنهم ماثيو كان خايف لانه كان عارف انهم هيجيبوه مهما حاول يهرب بس وافق وقرروا يهربوا ويبلغوا عنهم.... حضروا هدومهم واول ما النهار هيطلع هيمشوا.... الساعة ٤ بليل باب بيت ماثيو اتكسر و 7 دخلوا البيت ومسكوه هو ومراته وبنته.... وإدوارد معاهم..
إدوارد : عيبك يا ماثيو انك فاكر ان انت بتتعامل مع انسان طبيعي فاكر ان انت هتعرف تهرب مني؟ وكمان عايز تبلغ عننا؟
خد إدوارد كيتي من ايد اشلي... اشلي فضلت تعيط عايزة كيتي.
إدوارد : شايف يا ماثيو العروسة دي... دي مش عروسة دي خادم من خدامي وهو الي عرفني بالي كنتوا هتعملوه وفضل إدوارد يضحك......... وعيلة ماثيو اتدبحت واتقدموا كرابين لإبليس.......
فات ٤ سنين..... وجات اسرة سكنت في بيت عيلة ماثيو.....
ادم وراشيل وولادهم جايدن وروز.. والبيت عاجبهم جدا البيت كان سعره كويس مقارنة بمساحته الكبيرة.... بقالهم اسبوع في البيت ادم كل يوم بيحلم بنفس الحلم الغريب... ان فيه طفلة صغيرة ماسكة عروسة كيتي وبتقوله امشوا من هنااا.... في يوم الساعة 2 بليل باب البيت بيخبط جامد جداا ادم صحي هو وراشيل مخضوضين جدا مين الي بيخبط كدة دلوقتي؟ ادم نزل فتح الباب لقي واحد واقف قدامه ولابس روب اسود ومغطي وشه وده كاهن ووراه 5 لابسين اسود بردو ادم سأل. انتوا مين.. الكاهن ضرب ادم ضربة في نص صدره ادم اغمى عليه ووقع في الارض ودخلوا خدوا ادم واسرته في العربية َ... الكاهن واقف في البيت لوحده... الكاهن ده هو ماثيو.. ماثيو مماتش.. ماثيو بقا كاهن اعظم... ايه الي حصل طول ال 4 سنين الي فاتت؟؟؟
الحكاية لسه مخلصتش.. الحكاية لسه هتبتدي..... لتكملة باقي القصة..
الي اللقاء في قصة.... (قداس).......
Writer: Mohamed Ahmed
إرسال تعليق